Ո՞ր տեղը կզբաղեցնի «Բանանցը» 2018/19 մրցաշրջանի Հայաստանի առաջնությունում:

Պաշտոնական հայտարարություն

«Բանանց» ֆուտբոլային ակումբում իրենց ելույթներն ավարտել են ֆուտբոլիստներ Նորայր Գյոզալյանը, Գևորգ Հովհաննիսյանը, Մատվեյ Գույգանովը, Ալեքսանդր Ջոկովիչը և Հայկ Ոսկանյանը:

Նշված ֆուտբոլիստների և ակումբի միջև պայմանագրերի ժամկետներն ավարտվել են:

«Բանանց» ֆուտբոլային ակումբը շնորհակալություն է հայտնում բոլոր հինգ ֆուտբոլիստներին  ակումբում իրենց կատարած աշխատանքի ու ներդրման համար և հաջողություն է մաղթում հետագա գործունեության ընթացքում:

Նորայր Գյոզալյանը «Բանանց» էր վերադարձել 2016/17 մրցաշրջանի մեկնարկից առաջ: Նախորդ երկու մրցաշրջաններում Գյոզալյանը «Բանանցի» կազմում անցկացրել է Բարձրագույն խմբի 28 հանդիպում և դարձել է 5 գոլի հեղինակ:

Գևորգ Հովհաննիսյանը «Բանանցում» էր 2017/18 մրցաշրջանի ընթացքում և մասնակցեց 11 հանդիպման:


Կենտրոնական պաշտպան Մատվեյ Գուգյանովը «Բանանցի» կազմում 2017/18 մրցաշրջանում մասնակցել է Բարձրագույն խմբի 20 խաղի և դարձել է 2 գոլի հեղինակ:

Սերբ կիսապաշտպան Ալեքսանդր Ջոկովիչը 25 անգամ է Բարձրագույն խմբի 2017/18 մրցաշրջանում «Բանանցի» մարզաշապիկով դուրս եկել խաղադաշտ և խփել է 1 գնդակ:


Կենտրոնական հարձակվող Հայկ Ոսկանյանը, որը հայտարարել է ֆուտբոլիստի կարեիրան ավարտելու մասին, «Բանանցի» կազմում նախորդ երկու մրցաշրջաններում անցկացրել է 19 հանդիպում: